Loemi võro keeleh

Lugõmisvõigõlusõ "Kullõ', ma loe sullõ!" tulõmusõ'

Miä sünnüs

9. märdikuul oll' Võro latsiraamadukogon võro keelen ettelugõmisõ päiv «Kullõ’, ma loe sullõ!». Võigõlusõst võtt’ ossa 27 opilast ütsäst vana Võromaa koolist. Hindajidõ kogo, kon olli’ Urmas Kalla Võro instituudist, Timmi Eve Võro latsiraamadukogost ja Kirchi Kerli Talna ülikoolist, hinnas nii võro keele puhast välläütlemist ku elävät ettelugõmist. Parõmba’ lugõja’ 2.-4. klassi vannusõrühmän: Telgi Gerda Loviise (Vastsõliina kuul), Leonovi Kristjan (Pikäkannu kuul), Otsari Hellika (Parksepä kuul). Hää välläütlemise iist sai eräle kittä’ Simsoni Jörgen Joonas (Haani kuul). 5.-7. klassi vannusõrühmän: Suurmanni Randy (Orava kuul), Põdra Mariliis (Krabi kuul) ja Mägise Ain (Krabi kuul). Eräle kiteti võro keele puhta välläkõnõlõmisõ iist Kikka Liisi (Võro Kreutzwaldi kuul) ja elävä lugõmisõ iist Zopa Raidot (Parksepä kuul).