uma kiil pildi pääl

tii saq kaq üts pilt, koh om umakeeline tiidäq andmine, et siih om
vai siit saa....
kae linki http://nagi.ee/photos/ebe-kai/17519659/in-set/290325/

SIIH OM PALLO PILTE ET UMA MÕTÕ TULÕS

Kaegõ, peris põnõvit pilte om joba tett ja võistlusõlõ saadõt!
Ku silmä vallalõ ja fotokas üten ringi kävvü, saa kimmähe viil mõnõ pildi!
Kirä all kõrda ma egäs juhus viilkõrd pildivõistlusõ teedüst.* Pilte
oodõtas vabariigi aastapääväni (24.02.2011)*.

Võro Instituut kuulutas vällä pildivõistlusõ „Uma kiil pildi pääl”, kohe
oodõtas pilte as´ost, kon pääl om pruugitu võro kiilt. Pildistämises
kõlbas egä võimalik olokõrd, kon om võro kiilt nätä’: sildi’,
juhatamisõ’ (viida’), avaligu’ kirä’, talosildi’, kleebsu’, T-hammõ’ ja
nii edesi.


- Pilt, miä võistlusõlõ saadõtas, piät näütämä võro kiilt kiräligun
pruukmisõn. Pilt piät kõnõlõma hindä iist, a oodõtas ka pildiallkirja,
vai ku vaia, veidü pikembät seletüst pildi tagamaa kottalõ.

- Saata’ või ka pilte, kon pääl om nätä’ seto, mulgi ja tarto kiilt,
niisamatõ läti vai vinne kiilt.

- Pildistämise matõrjaali või konkursi aigu ka esi mano tetä’, näutüses
meisterdä’ vahtsõ võrokeelidse sildi ja tetä tuust pildi.**

- Pilte oodõtas aadrõssi pääle kaile@wi.werro.ee
; säält edesi pandas nuu’ üles Internetti
aadrõssil http://nagi.ee/photos/ebe-kai/sets/290325/

- Üts pildistäjä või saata’ mitu pilti, a egä olokõrra kottalõ piät
olõma õnnõ üts pilt. Pildi võiva’ olla’ nii vahtsõ’ ku ka varrampa tettü.

- Pildiga üten and pildistäjä teedä’: uma nime, telefoni, e-posti
aadrõssi, pildi tegemise ao ja pildi allkirä.


Pilti saatmisõga võistlusõlõ kinnütas saatja, et tä om tuu foto autor.


Pilte oodõtas vabariigi aastapääväni (24.02.2011) ja avvuhinna’ antas
kätte imäkeelepääväl, 14. paastukuu pääväl 2011.


Võistlust tugõ Oma King.


Kaile Kabun,

Võro instituudi projektijuht

Tel 525 3215

Oppaja Helju soovitas väega pilte tetäq- avvuhinna omma hääq